Góða kvöldið

Langri þögn lýkur nú þó pistilinn sé í styttra lagi.

Síðan ég síðast kom hér inn orðum þá hefur margt vatn runnið til sjávar. Ég er búinn að koma á svið sýningunni AMERICAN DIPLOAMCY og er ég tilturulega sáttur við hvernig til tókst.

Ekki það að auðvitað er margt sem maður hefði viljað koma í verk sem ekki tókst, en þannig er það einu sinni að vinna við bág kjör, skamman tíma og auðvitað að hafa allt of mikið á minni könnu (hvenær ætla ég að læra?).

En sýningunni er vel tekið og það gleður mig. Maður er að vissu leyti að opna alveg ofan í kviku í þessari sýningu, þar sem bæði texti og leikstjórn var your truly, en reynslan sem ég safnaði að mér var ómetanleg.

Ég mun innan skamms analísera uppsetninguna, hvað tókst og hvað ekki. En í stuttu máli þá má segja að mér hafi tekist 75% af því sem ég ætlaði mér varðandi tilraunir með leikformið og uppsetninguna í heild.

Sumsé, á Akureyri situr tilturulega sátt og mjög stolt leikstjóradula!

Ég er sumsé kominn norður til þess að setja upp söngleikinn RÍGUR sem er samvinnuverkefni MA og VMA. Og þá er það rokkið


Í bænum er margt góðra manna, Gói, Aggi, Jón Páll og fleiri þannig að þetta gæti orðið mikil upplifun!

En ég bið að heilsa í bili, nú þarf ég að undirbúa púlnámskeið fyrir krakkana og sýna þeim hvernig verður unnið á þessum bænum!

Góðar stundir....

Þorleifur
Kaffi Karólína