Góðan daginn

Af einvherjum ástæðum þá birtist allt tvisvar á heimasíðu minni. Ég er með hóp manna að vinna í þessu sem stendur og vonandi þá kemst þetta í lag sem fyrst.

Æfingaáætlunin hér að neðan er fyrir þá sem langar að kynnast innviðum leikhússins. Hægt væri að kalla það leikhúsbúrókrasía 102!

Þorleifur

Æfingaáætlun Ríguinn

TAKA BER FRAM AÐ FÓLK ER BEÐIÐ AÐ KOMA 20 MÍN ÁÐUR EN ÞAÐ Á AÐ VERA Á STAÐNUM TIL ÞESS AÐ ÖRUGGLEGA SÉ EKKI BEÐIÐ EFTIR ÞVÍ EÐA EF VEL GENGUR. ÞETTA ER ÁÆTLUN OG REYNT VERÐUR EFTIR FREMSTA MEGNI AÐ HALDA HENNI EN HELST VÆRI AÐ FÓLK YRÐI PÍNKU LENGUR EF VEL GEGNUR TIL AÐ KLÁRA RENNSLI OG SLÍK EN REYNT VERÐUR AÐ HALDA SLÍKU Í LÁGMARKI!

TIL AÐ ÁRÉTTA ÞAÐ ÞÁ ERU LÍKA TÓNLISTARÆFINGAR Á SAMA TÍMA OG BER FÓLKI AÐ SKOÐA ÞÆR SVO EKKI ÞURFI AÐ NÁ Í FÓLK. EINNIG ERU BÚNINGAMÁL, LÝSINGARMÁL, LEIKMYNDAMÁL OG SVO FRAMVEGIS. GERT ER RAÐ FYRIR AÐ FÓLK TAKI ÞATT Í SLÍKU OG MUNU SVOKALLAÐIR NEFNDARFORMENN NÁ Í FÓLK TIL ÞESS AÐ VINNA AÐ SLÍKU MEÐ SÉR!


Sunnudagurinn 20.3.2005

Kóræfing og svo allir í söngstuði með hljómsveit eftir hlé!

Mánudagur

Klukkan 11.00 - 12.00
Atriði 6
Sögumaður og Prímastelpur

Klukkan 12.00 - 13.30
Atriði 6
Logi, Ugla, Þórunn, Huginn, Axel, Guðrún.

Klukkan 13.30 - 14.30
Atriði 7
Guðrún, Vala, Sara, Klara, Prímastelpur x 4 í dans með þeim.

Klukkan 14.30 - 15.30
Atriði 8
Útvarpskona, Þorvaldur, Þórunn og Prímadansarar x 4.

Klukkan 15.30 - 17.00
Atriði 9
Allir ? Grasagarður (Kór) og svo senan þar á eftir.

Klukkan 19 - 22.00
Rennsli á fyrri hluta og það sem komið er af seinni hluta.

Þriðjudagur

Klukkan 11.00 - 11.30
Atriði 10
Ugla, Logi

Klukkan 11.30 - 13.00
Atriði 11 (Seinni hluti frá bls 52)
Þórunn, Ugla og Logi

Klukkan 13.00 - 14.30
Atriði 12
Ugla, Þórunn, Huginn, Logi, Þorsteinn (sem syngur Queen)

Klukkan 14.30 - 15.30
Atriði 13
Allir (leikarar, Príma, kór)

Klukkan 15.30 - 17.00
Atriði 11
Allir (leikarar, Príma og Kór. ) Dómsatriðið með dansi fram yfir útburð Hugins.

Klukkan 20.00 - 22.00
Rennsli seinni hluti - Allir (Kór, leikarar, Príma)

Hér eftir verða æfingar alla daga frá 11.00 ? 17.00 og eru þá teknar senur eins og þurfa þykir. Verður tilkynnt um það um leið og það liggur ljóst fyrir.

Svo er seinni hluti æfingarinnar frá 19.00 ? 22.00 og þá eru alltaf allir (leikarar, kór, Príma)

Með bestu kveðjum
Þorleifur

PS: Ég er afar stoltur af ykkur. Með mikilli vinnu, áræðni og þrautseigju náum við takmarki okkar að gera sýningu sem Akureyri mun seint gleyma!

Góðan daginn

Ætlaði ekki að skrifa neitt og hef ti þess í raun ekki tíma en ég get ekki stillt mig í ljósi kommentana hér að neðan, þar sem ég er eindregið varaður við forritum sem laga texta sjálfkrafa, til þess að hafa eftir smá sögu sem ég heyrið.

Vinur minn einn (og nú kemur íslensk fyndni) er kennari í London. Hann er með voða fína gráðu og fékk því fína stöðu í heldur fínum háskóla. Það fyrsta sem henn komst að var það að krakkarnir se mhann var að kenna virtust einvhernveginn ekki leggja það sama í námið og hann, dúxinn, hafði gert. Komst hann þar með að því, sem satt er, að tæðlega helmingur háskólanema eru ekki læsir. (og er það lítið öðruvísi á Íslandi!) Og væru þeir læsir þá væru þeir það aðallega á stutta og hnitmiðaða texta en ekki langa og tyrfna heimspekitexta (og mætti því í kjölfarið spyrja sig hvað slíkt fólk er að gera í háskólanámi í heimspekideild, en það er annar handleggur...)

En annað sem hann komst fljótt að var það að starfsaðferðir krakkanna voru öðruvísi en þegar hann var og hét í námi. Því nú unnu allir með einhver forrit sem allt löguðu og bættu. Theósárus, spell cheacker, púkar margs konar etc... Hann varaði fólk við því að þessi forrit stæðu nú mannshuganum ekki framar og varúðar skyldi gæta í nærveru forrits (og fleira svona í risaeðludúr). En eins og alltaf er þá voru ein eða tvær litlar sálir sem ekki trúðu hinum alvitra kennara og létu blekkjast.

Önnur var fögur ungmey að norðurströndum Bretlands. Hún skilaði inn heljarinnar ritgerð undir titlinum "My future work" (hljómar eins og barnaskóli, en anyway). Þar rakti hún í löngu og ítarlegu máli, með nákvæmum rökstuðningi og yfirgripsmiklu ritmáli að hún sæji framtíð sína hvergi annars staðar en í greininni "pubic relations". Þegar kennarinn skilaði greininni til baka til nemandans með stóru F-i á þá benti hann henni vinsamlegast á það að láta ekki "auto-correct" laga fyrir sig stílana, því ennþá stæði mannshugurinn tölvunum framar. (sagan segir að kennarinn hafi brosað stórt innra með sér). Ástaæðan fyrir F-inu var auðvitað sú að þar sem hún sagði í titli að hún vildi vinna við skaphára-samskipti (sem auðvitað getur verið virðingarverð atvinnugrein hallist maður að slíkum áthöfnum,) þá var restin af textanum vissulega ekki í neinu samræmi við yfirskriftina, en átti vel við "Public relations".

Hitt skiptið þar sem mannshugurinn sýndi yfirburði sína borði títtnefnds kennara var þegar ungur nemandi skilaði inn greinargerð í lögfræðistúderíngaráfanga þar sem hann í löngu máli reyndi að rökstyðja það, meðal annars með tilvísun í Bandarísku stjórnarskrána, að fólk hefði rétt til þess að "bare arms" á almannafæri. Kennarinn benti honum réttilega á það í nótum sínum með falleinkuninni að hvernig væri það bannað í stjórnarskránni vestanhafs að bera á sér handleggina þó vissulega fjallaði hún á köflum um réttinn til þess að "bear arms" eða bera vopn. Aftur var þar auto-correct sökudólgurinn og má því að lokum líklega ræða hvorum það er að kenna, krakkagreyjunum sem trúa á tölvunar eða Microsoft sem í veldi sínu er búið að sannfæra flesta að þeir standi hinum venjulega manni mun framar!

Bestu kv.

Þorleifur
Karólínu, Akureyri

Góða kvöldið

Ég er á leið til Berlínar, ekki einu sinni heldur tvisvar...

Ég er að fara í Apríl í tvo daga og svo aftur í Maí og þá í tæpar 3 vikur á Teatertreffen í boði Goethe institude. OG nú fæ ég mörg bréf á viku þar sem ég þarf að senda eitthvað út eða svara fyrirspurnum eða glöggva einhverjar upplýsingar (með öðrum orðum, þýsk búrókrasía!). En vandamálið er það að ég tala ágæta þýsku (sem er skilyrði) en að skrifa er allt annar handleggur. Þannig ég er í því þessa dagana að falsa hvað ég tala góða þýsku...

Ég sendi sumsé bréf eftir bréf þar sem ég nota bara orð úr bréfunum sem þeir senda mér. Þetta er full vinna, bæði fyrir hönd og heila.

Því lýsi ég eftir forriti á netinu þar sem maður getur skrifað texta og sett hann í gegnum forritið og fengið út tilbúna þýðingu!

Með því get ég komist af í þessum endalausu kafkaísku bréfaskriftum án þess að ðþeir telji að þangað sé að koma sérlegur sendiboði lesblindra íslendinga...

Annars er það af Akureyri að frétta að...að...að... hér eru falleg fjöll...

Þorleifur

Kaffi Karólina

Góða kvöldið

þá er bardaginn hafinn í Samfó. Ég hélt reyndar að Össur myndi sjá að sér og fara ekki fram. HAnn hefði getað beygt sig undir það sem virðist vera óumflýjanlegt, það er, sigur Ingibjargar Sólrúnar Gísladóttur og stigið til hliðar af reisn.

Hann hefði getað borið fyrir sig samheldni flokksins og að hann hafi skilað sínu og við nánari umhugsun ákveðið að nú væri komið að nýju fólki að stýra fleyinu. VIssulega hefði verið ákveðinn holhljómur í því en annað eins gerist nú í pólitík og hann hefði þá getað tekið að sér annað starf innan flokksins.

En hann ætlar sumsé fram og slagurinn því hafinn. En hversu mikill verður slagurinn?

Össur virðist ekki vera með kosningamiðstöð, innra starf hans fer svo lágt að engin virðist hafa heyrt af því og allar fylgiskannanir virðast vera honum andsnúnar.

Hvað ber að lesa í það? Er þetta bara þrjóska, er hann að búast við kraftaverki? ER hann með vonda ráðgjafa? Eða gat hann bara ekki bakkað? Kannski sambland af öllu þessu.

Á meðan er Ingibjörg komin í ham, R-listaham og fer um landið allt með eldbrand lýðræðisins á lofti.

Þegar uppi stendur þá á þetta ekki eftir að skaða flokkinn þar sem hann fær mikla umfjöllun um málefni framboðanna og fjölga mun í flokknum.

Ég kalla því eftir heiðarlegri og málefnalegri baráttu sem verður þessum lýðræðisflokki til framdráttar.

Þorleifur
Kaffi Karólína

Góða kvöldið

Ég hefði ekki getað skrifað pistil gærkvöldsins á betri tíma enda sannaði hann orð mín. Vissulega búum við í samfélagi þar sem allir standa jafnir gagnvart stöðuveitingum, þá sérstaklega hjá hinu opinbera. En það virðist ekki skaða að vera með rétta "vini" á réttum stöðum. Þannig er Auðunn ekki í neinum flokki og auðvitað hafa þá tengsl hans við "vini" ekkert með pólitík að gera.

En ég veit gott betur, það borgar sig nefnilega að vera í flokki, og þetta er engin áróðurskenning, það þarf aðeins að skoða stöðuveitingar hins opinbera undanfarið. En jafnvel þó svo væri ekki þá borgar sig að vera "vinur" þeirra sem stöður veita. Ég á við, hver myndi ekki ráða vini sína, sem viðkomandi treystir og þekkir, frekar einhverjum þumba sem ekkert veit og engan þekkir. Það myndi ég allaveganna gera...

Því hef ég ákveðið að ganga í alla stjórnmálaflokka og starfa í laumi innan þeirra alla. Ég mun hér fara að birta ræður sem stjórnmálamenn meiga nýta sér að vild þó svo að ég krefjist þess að mín sé getið í ræðunni sem "óþekktur höfundur" eða "sérstakur vildarvinur" viðkomandi.

Svo óska ég Auðni góðum starfsframa og hlakka ti þess að sjá hann stýra stofnuninni langt langt langt inn í framtíðina. ÉG hlakka til þess að sjá hann skrifa, lesa, rannsaka, klippa, hella upp á kaffi, keyra bíla, stilla tæki og annað sem til fellur á fréttastofunni því að hafi fólk þarna einhverja sómakennd og láti ekki fjárhagsóttan stjórna för þá segir það upp. Og þá fyrst verður gaman.

Það er nefnilega kannski kominn tími til að leyfa þessarri stofnun, sem kannski var sú eina innan RÚV sem ennþá hafi búið yfir raunverulegu hlutleysi, að verða að áróðurstæki stjórnvalda. Enda er fréttablaðið orðið það öflugt að jafnvægis verður að gæta.

Með bestu kveðju

Þorleifur
Kaffi Karólína
Akureyri

Góða kvöldið

Þá er það pistill að norðan.

Ég er að hugsa um að snúa frá leikhúsinu og snúa mér að því að skrifa ræður handa stjórnmálamönnum. Það virðist ekki veita af miðað við hremmingarnar sem riðið hafa yfir kálgarð íslenskra stjórnmálamanna undanfarin ár.

Maður gæti náttúrulega spurt sig að því hvernig það færi með sálina en þá spyr ég á móti, það er erfitt að vera stöðugt að synda á móti straumnum og kannski er sá tími kominn í lífi mínu að hætta þessu brasi og þrasi og vera bara með. ÞAð virðist allaveganna koma ansi mörgum að góðu...

Og gangi vel hér þá opnar það allar dyr, hver veit, ég gæti kannski komist að hjá Bush?

ÉG á við, ef ég gæti til dæmis látið framsóknarmenn líta vel úr þá er fátt í heiminum sem væri mér ógjörlegt.

Og talandi um framsóknarmenn. Ég hef gagnrýnt þá mikið undanfarið, bæði persónulega sem og opinberlega. En mér er að snúast hugur. Þeir eru ekki svo slæmir greyin. Málið er að maður er að taka út reiði sína og pirring til handa sjálfstæðismönnum á greyjunum í framsókn. Þetta var náttúrulega snilldarleikur hjá Dabba að skipta við Dóra, jafnvel þó svo að hann hafi ekki vitað það þegar gjörðin var framin (nema hann sé þeim mun gleggri). Reyndar er ekki hægt að líta fram hjá því að krabbinn bjargaði honum undan holskeflu opinberra misþyrminga því að það vill enginn (og getur enginn) skamma veika menn opinberlega. Það er nefnilega ljótt, jafnvel þó svo að menn hafi komið okkur á drápslista í útlöndum. En sumsé, saved by the crabs, er yfirskrift ársins hjá DAbba og engin man að Dóri var líka sjúklingur fyrir skömmu, hann kunni bara ekki að tímasetja það jafn vel og Dabbi, eða þá að forlögin útdeildu honum verri krabbatíma en hinum.

Allaveganna, ég stefni nú á að synda með straumnum og uppskera þegar fram líða stundir það sem mér tilheyrir, því að ég er eftir allt einstaklingur og það þýðir að ég stend framar öllum í röðinni-frá mér séð!

Þorleifur
Kaffi Karólína

Góða kvöldið

Skýrsla úr norðri...

Stór-Aðal-Akureyri er fallegur bær, það hefur aldrei dulist nokkrum manni.

Svo mörg voru þau orð.

Þorleifur
Karólína

Góðan daginn

Sit hér í sveitasælunni á Akureyri en hugurinn er einhvernveginn að miklu leyti sunnan heiða þar sem önnur sýningin á AMERICAN DIPLOAMCY er í kvöld. Það er svo erfitt að koma sýningum í gang og ég tek því öllu einhvernveginn persónulega í sambandi við sýninguna. Hún er einhvernveginn svo mikill hluti af mér, svona eins og óskilgetinn bastarður sem skilinn var eftir í Borgarleikhúsinu og þarf að redda sér. Veit ekki að bakvið hana standa fullt af fólki sem er tilbúið að leggja alveg slatta á sig til þess að hún vaxi og dafni, blómstri og lifi góðu lífi.

En sumsé, tímar endalausra spurninga hefur runnið upp í huga mér, tíminn þar sem ég efast um allt og allt. Tilganginn með leikhúsinu, með sýningunni, með mig sem listamann, með lífið og stefnuna sem ég hef tekið. Og það skrýtna er að þetta kemur yfir mig eftir hverja einustu sýningu sem ég geri en alltaf verð ég jafn undrandi þegar það hellist yfir mig. Það er eins og það sé tóm sem sýningin skilur eftir sig. Eins og það sem lagt var í hana hafi orðið eftir og ég sé í þeim prósess að safna í sálina að nýju.

Kannski þetta komi fyrir alla listamenn...

En þá er bara að fylla að nýju.

Þorleifur

Góðan daginn

Sit hér í sveitasælunni á Akureyri en hugurinn er einhvernveginn að miklu leyti sunnan heiða þar sem önnur sýningin á AMERICAN DIPLOAMCY er í kvöld. Það er svo erfitt að koma sýningum í gang og ég tek því öllu einhvernveginn persónulega í sambandi við sýninguna. Hún er einhvernveginn svo mikill hluti af mér, svona eins og óskilgetinn bastarður sem skilinn var eftir í Borgarleikhúsinu og þarf að redda sér. Veit ekki að bakvið hana standa fullt af fólki sem er tilbúið að leggja alveg slatta á sig til þess að hún vaxi og dafni, blómstri og lifi góðu lífi.

En sumsé, tímar endalausra spurninga hefur runnið upp í huga mér, tíminn þar sem ég efast um allt og allt. Tilganginn með leikhúsinu, með sýningunni, með mig sem listamann, með lífið og stefnuna sem ég hef tekið. Og það skrýtna er að þetta kemur yfir mig eftir hverja einustu sýningu sem ég geri en alltaf verð ég jafn undrandi þegar það hellist yfir mig. Það er eins og það sé tóm sem sýningin skilur eftir sig. Eins og það sem lagt var í hana hafi orðið eftir og ég sé í þeim prósess að safna í sálina að nýju.

Kannski þetta komi fyrir alla listamenn...

En þá er bara að fylla að nýju.

Þorleifur